【寶寶大過天】譚嘉儀為新歌《天使》拍MV　出動可愛姨甥女齊演出

譚嘉儀日前為新劇《寶寶大過天》主題曲《天使》拍MV，嘉儀今次更自己想出了MV的故事，並出動姨甥女芊穎幫忙拍攝：「因套劇嘅內容，再加上歌名天使，即刻諗起天真可愛嘅小朋友，而我心目中嘅天使就梗係靚靚姨甥女芊穎啦。」

嘉儀今次在《天使》MV化身跳舞老師，安排芊穎與自己共舞，嘉儀亦特登找朋友排好幾個舞蹈動作：「芊穎真係有學跳舞嘅，我見佢跳得好好好靚，所以就諗起呢隻 MV 可以拍關於小朋友響學習中嘅片段，其實小朋友有適當嘅指導都會堅持、不怕挫折的。」

小小芊穎的可愛及專業大獲現場人士讚賞，大家笑言芊穎才是女主角。雖然被芊穎搶鏡，嘉儀話沒所謂，更稱要為小朋友的未來鋪路。芊穎就笑言自己今次的演出酬勞是得到嘉儀姨姨買公仔及請食糖，氹得大家很開心。